يعطيه العافيه صاحب المكان ,أرسل لنا دعوة من خلال الإيميل و رحب فينا و إحنا إستقبلنا الدعوه و حضرنا المكان , رحنا حزة عصر , كان فيه جدامنا زبونين بس , الفكرة وايد حلوه و بسيطه خصوصا إنه مو متوفره بالكويت إذا ما خابتني ذاكرتي لأنه ما اذكر إني شفت بديرتي مكان يبيع رايس بودينق , كله بره الكويت ,
أنواع الرايس بودينق في محلهم وايد حلوه و متنوعه , فيه على فراوله و مانجا و رايس بودينق حار على جوكليت و أعتقد طعمه شوية فيه فول سوداني و فيه نوع ثاني بعد , يحليلها الفلبينيه نفسها وايد حلوه و طويلة بال , سمحت لنا نتذوق كذا نوع ليما إخترنا إللي عجبنا , أنا خذيت رايس بودينق بالاوريو و الكوكيز مع توبينق أوريو و جوكليت صوص , رفيجتي خذت أوريجنال رايس بودينق مع مكس نتس و جوكليت صوص , السعر وايد مناسب و زين , و فعلا المكان يستحق الواحد يروحله و يجربه , لاتقولون مو متقبلين العيش على سويت , صدقوني راح يعجبكم , و عندهم عروض حق رمضان راح ينزلون نكهات يديده , و حسافه ماقدرت امرهم إلا اليوم , راح ينزلونها من باجر إنشالله , رايس بودينق بطعم ماي الورد و توبينقز زعفران كلاود و فستق , و عندهم عرض إسمه بوكس رمضان بحيث إنه البوكس يكون فيه 18 حبه , و بعد توهم فاتحين خدمة التوصيل و يفضل الزبون يدق مبجر عشان تعرفون رمضان زحمه و مايحبون يتأخرون على زباينهم فأنصحكم طلبوا قبلها بساعتين أو ثلاث , و صارت عندهم بعد خدمة الطلبات الخارجيه للأفراح أو المناسبات الخاصه أو الغبقات بصينيتهم الخاصه إللي تشب ألوان و شكلها حده يشوق و غريب , بصراحه يعطيهم العافيه و الله يوفقهم إنشالله
عنوانهم
فرع جمعية النزهه ق 3
(بجانب ستاربكس)
تلفون: 55479001
لاي استفسار و خدمة التوصيل و لخدمة الكيترنج
No comments:
Post a Comment